प्रयाग: पाटलीपुत्रं विजयानगरं महत् ।
इंद्रप्रस्थं सोमनाथ: तथाऽमृतसर: प्रियम् ।।७।।
गुजरातच्या दक्षिणी समुद्रकिनाऱ्यावर प्रभास नावाचे तीर्थस्थान प्राचीन काळापासून अत्यंत वैभव संपन्न नगर होते. येथील सोमनाथ नावाचे शिवमंदिर त्याच्या भव्यतेसाठी व वैभवसंपन्नतेसाठी जगात प्रसिद्ध होते. कालांतराने प्रभास नगर सोमनाथ नावानेच प्रसिद्ध झाले. लुटारू, आक्रमक महंमद गज़नवीने सोमनाथवर हल्ला करून मंदीर उध्वस्त केले. गज़नवीपासून औरंजेबापर्यंत मुसलमान वारंवार हल्ले करून मंदीर उध्वस्त करीत राहिले व पुन:पुन्हा हिंदूंकडून पुनर्निर्माणही होत गेले. स्वातंत्र्यप्राप्तीनंतर तत्कालीन गृहमंत्री सरदार वल्लभभाई पटेलांच्या प्रयत्नांनी या मंदिराची अलीकडच्या काळात पुनर्बांधणी झालेली आहे.
No comments:
Post a Comment