महेन्द्रो मलयः सह्यो देवतात्मा हिमालयः ।
ध्येयो रैवतको विंध्यो गिरिश्चारावलिस्तथा ।।४।।
गुजरात प्रांतामध्ये काठियावाड जिल्ह्यात प्रभास परिसरातील पवित्र गिरनार पर्वत म्हणजे रैवतक होय. द्वारकेपासून थोड्या अंतरावर आहे. 'माघ' रचित 'शिशुपाल वध' नाटकात या पर्वताचे सुंदर वर्णन आहे. पुराणातील उल्लेखानुसार भगवान शंकराचा या पर्वतावर निवास होता. अनेक दैवतांना याच पर्वतावर निवास करण्याचा शंकरांनी आग्रह केला होता. सर्व देवतांसहित भगवान शंकराचे निवासस्थान रैवतक पर्वत असल्याची मान्यता आहे. या पर्वतांमध्ये अनेक तिर्थकुंड आणि मंदिरे विद्यमान आहेत. जैन पंथाची अनेक मंदिरे या पर्वतावर आहेत. या पर्वतशृंखलांमधील गोरखनाथ शिखर हे सर्वात उंच शिखर आहे.
No comments:
Post a Comment